2026 елда мас-рестлинг буенча дөнья чемпионаты Казанда узачак

Зур халыкара спорт чарасы Татарстанда беренче тапкыр узачак, дип хәбәр итә ЯСИА. Якутларның милли спорт төре буенча дөнья чемпионаты 26-30 ноябрьдә «Ак Барс»Спорт сараенда узачак.

Дөнья чемпионаты Россиядә декабрьдә уздыру турында карарны Халыкара мас-рестлинг Федерациясе кабул итте. 2 февральдә Бөтенроссия мас-рестлинг Федерациясе җитәкчелеге Татарстан спорт министрлыгы вәкилләре белән очрашкан, диелә хәбәрдә.

Россия мас-рестлинг буенча дөнья чемпионатын соңгы тапкыр 2022 елда кабул иткән. Ул вакытта ул Якутскида уздырылган. Аннары бәйге Үзбәкстанда, Кыргызстанда һәм Монголиядә оештырылган.