«Ак барс» ка бәхет елмаймады...

Уен бик актив башланып китте. Беренче алка озак көттермәде. Исәпне 20 секунд узуга, "Ак барс"  уенчысы Семен Терехов  ачты.(Бу аның 4 уенга 3 нче алкасы).

Көндәшләр дә тиз арада гына исәпне тигезләп куйдылар. Азчылыкта уйнауларына карамастан, "Ак барс"сакчысы-Митч Миллер ялгышлыгыннан соң, "Металлург" уенчысы, татар егете - Руслан Исхаков исәпне 1:1 ясады.

Җиңдек дигәндә генә

2 периодта үзгәрешләр булмады. З нче 20 минутлыкның  яртысында исәп үзгәрмәде, 10 минут узгач кына, Кирилл Семеновның әкәмәт пасыннан соң, Артем Галимов исәпне "Ак Барс" файдасына 2:1 ясады.

Инде Казан командасы җиңде дигәндә генә (көндәшләр капкачыларын 6нчы уенчыга  алмаштырып 10  секунд калгач, исәпне Дмитрий Силантьев тигезләде). Өстәмә 5 минутлык та командалар бер-ике яхшы һөҗүм белән алмаштылар, тик алка кертә алмадылар. Буллитлар сериясендә исә "Металлург" командасы көчлерәк булып чыкты.

Буллит хәл итте

Уен 2:3 (Б) исәбе белән "Металлург файдасына тәмамланды.  ( Бу "Ак барс" ның шушы сезонда беренче  тапкыр җиңелүе)

Хәзер исә "Ак Барс" 7 очко белән 1че урында, ә "Металлург" 6 очко белән 2че урында бара.

Казан командасы өйдә уйнау сериясен (4 уеннан 3 сен җиңеп) тәмамлады. Киләсе уенны ул 14 сентябрьда кунакта Түбән Новгород өлкәсенең "Торпедо" командасына каршы үткәрәчәк. Уен "Волга арена"да 19:35 сәгатьтә.

 Искәндәр Зиннуров