АЛЕКСЕЙ ЯШИН – хатын-кызлар хоккей командасында

Дөнья чемпионы Алексей Яшин күптән түгел уенчы карьерасын тәмамласа да, хоккейдан бөтенләйгә китмәде. Шушы көннәрдә аның Россиянең хоккей буенча хатын-кызлар җыелма командасына генераль менеджер итеп билгеләнүе мәгълүм булды. «Хәзер алда торган иң мөһим бурыч - мөмкин булган бөтен ресурсларны туплап, тиешле юнәлешкә җибәрү. Канада белән АКШта хатын-кызлар хоккее көчле үсештә. Россия өчен дә ул зур әһәмияткә ия булган спорт төре дип саныйм. Дөрес әле без бу өлкәдә шул ук океан артыннан калышабыз. Шуңа күрә әле эшлисе дә эшлисе», - дип белдерә ул яңа вазифасында биргән беренче интервьюсында.