Өчпочмак яратучы «татар егете» Стэплтон

Беренче звено тулысынча таркалгач, бүген белгечләр «Ак Барс»ның әйдәп баручысы итеп нәкъ менә Стэплтон-Варнаков-Бурмистров звеносын атый. «Бурми (Бурмистров) белән бер-беребезне ярты сүздән аңлыйбыз, чөнки без НХЛда да бергә уйнаган идек. Варни (Варнаков) белән бик еш аралашабыз, әйбәт егет», - ди яңа гына «барслар» формасын кигән Стэплтон. Казанны үз итеп өлгергән әлеге спортчы татар халык ашларын яратып ашый - аңа бигрәк тә өчпочмаклар ошый икән. Дөрес, ул аны башкача атый - өчпочмак формасындагы татар пәрәмәче. Җанатарлар аны америкалыга түгел, күбрәк татарга охшата. «Әгәр бу чынлап та шулай икән - бик тә яхшы, димәк, мине Казанда кабул иткәннәр», ди бу уңайдан америкалы Стэплтон.