Көчле боксчылар студентлар арасында да бар

Казандагы Бокс һәм өстәл теннисы үзәге бу көннәрдә спортчы студентларны кабул итте. Татарстандагы 13 югары уку йортының спорт оешмалары вәкилләре 10 үлчәү категориясендә иң көчлеләрне ачыклады. Ярышларның әһәмияте шунда - аның нәтиҗәсе республика вузлары Спартакиадасы зачетына барачак.
Төрле үлчәү категориясендә Казан илкүләм техник тикшеренү университеты - КАИ, КФУ, ТИСБИ, Физкультура. Спорт һәм туристлык буенча Идел буе дәүләт академиясе, Казан дәүләт архитектура-төзелеш университеты студентлары беренчелеккә чыкты. Җиңүче һәм призерлар медальләр, дипломнар белән бүләкләнде.