Депрессиягә каршы “таяклар”: скандинавия йөреше кәефне күтәрә

Әмма халыкара тикшеренүләр арасында аеруча игътибарны скандинавия йөреше җәлеп итә башлаган.

Белгечләр фикеренчә, махсус таяклар белән йөрү гадәти йөрешкә караганда күпкә күбрәк мускул төркемнәрен эшкә җигә — куллар, җилкә, арка, хәтта корсак мускуллары да активлаша. Нәтиҗәдә, организмга йөкләнеш тигез бүленә һәм йөреш тулы бер күнегүгә әйләнә.

Тикшеренүләр күрсәткәнчә, даими скандинавия йөреше белән шөгыльләнүче кешеләрдә уңай нәтиҗәләр инде 4–5 атна эчендә үк сизелә: кәеф яхшыра, энергия арта, йокы нормальләшә.

Моның сере — организмдагы биологик процессларда. Ритмик хәрәкәт һәм саф һава эндорфин, серотонин һәм дофамин кебек “бәхет гормоннары” бүленеп чыгуын стимуллаштыра. Шулай ук кан әйләнеше яхшыра, йөрәк-кан тамырлары системасы нәтиҗәлерәк эшли башлый.

Белгечләр фикеренчә, скандинавия йөреше гиппокамп эшчәнлегенә дә уңай йогынты ясый — бу зона хәтер һәм кәеф өчен җаваплы. Өстәмә рәвештә организмдагы ялкынсыну процесслары да кими.

Шулай итеп, гади генә күренгән “таяклы йөреш” психик һәм физик сәламәтлек өчен көчле профилактика чарасына әверелә.

Сез скандинавия йөрешен сынап карадыгызмы? Кәефегезне күтәрәме?