Казанның диагностика үзәгендә бушлай тикшеренү узып була

Гөлнар Гарипова, Казан.

«Барсмед» диагностика үзәге белгечләре аңлатканча, халык әлеге тикшеренүне акция вакытында бушлай уза ала. Августта, мәсәлән, тән әгъзаларын өзлексез сканирлау (баш, муен өлеше, умыртка баганасына МРТ ясау) чыннан да бушлай, тик әлеге вакытта инде буш урыннар калмаган. Әгәр сентябрь аенда бу төр тикшеренү бушлай булган очракта (монысы әлегә билгесез), айның икенче-өченче көннәрендә 8(843) 224-86-86 телефонына шалтыратып язылырга мөмкин. Ләкин аңа кадәр сез үзегезнең беркетелгән сырхауханәгезгә квота бирелгәнме-юкмы икәнлеген белешергә тиеш буласыз. Бушлай тикшеренүне бары тик квота бирелгән сырхауханәнең авырулары гына уза ала. Әйтергә кирәк, мондый үзәкләр шулай ук район хастаханәләре базаларында да эшли. Аерым алганда, Бөгелмә, Алабуга һәм Чистайда.