Тромблар барлыкка килүдән, тахикардия, аритмиядән саклый торган төнәтмә әзерлибез

Берничә төнәтмәне үз эченә алган түбәндәге «дару» тромблар барлыкка килүне киметә, тахикардия, аритмия вакытында булыша, баш мие кан әйләнешен яхшырта. Әмма аны табиб белән киңәшләшеп кулланырга киңәш ителә.

Пыяла банкага даруханәдә сатыла торган 100 мл валериан, чалма чәчәк (пион), камыр җимеше, сукыр кычыткан (пустырник), 50 мл эвкалипт, 25 мл бөтнек (мята) төнәтмәсен һәм 10 г канәфер (тәмләткеч) тутырабыз. Ике атна караңгы урында тотабыз, вакыт-вакыт селкетеп алабыз. Көненә өч тапкыр, ашарга 20 минут кала, 25әр тамчы эчәбез (шикәргә тамызырга яки 50 мл суга кушып эчәргә була).

^{Фото бизәү өчен бирелде}