#Сәясәт 27 сентябрь 2024, 12:06

Рөстәм Миңнеханов: Гаиләләргә ярдәм итү - безнең эштә үзгәрешсез өстенлек

27 сентябрь 2024, 12:06

Җәмгыятебезнең нигезе-традицион гаилә кыйммәтләре. Бу хакта Татарстан Рәисе Рөстәм Миңнеханов Дәүләт Советына еллык юлламасында әйтте.

Скопировать ссылку

Рөстәм Миңнеханов: Гаиләләргә ярдәм итү - безнең эштә үзгәрешсез өстенлек

– Илебез Президенты игълан иткән Гаилә елы кысаларында республикада барлык муниципаль берәмлекләрдә меңнән артык чара уздырылган. Гаиләләргә ярдәм итү – безнең эштә өстенлекле юнәлеш.

«Гаилә бәхете – ил бәхете", – ди халык. Безнең гаиләләр никадәр ныграк булса, илебез дә шулкадәр ныграк. Бары тик тату гаилә генә мәдәниятне, туган телне, гореф-гадәтләрне һәм милләтара дуслыкны саклауның нигезе булып тора. Нәкъ менә шундый гаиләдә илебезнең һәм республикабызның ышанычлы киләчәге тәрбияләнә.

Гаилә-күпмилләтле дәүләтебезнең нигезе, һәр кеше өчен ышанычлы тыл һәм таяныч. Ул традицион кыйммәтләрне ныгыта, буыннар дәвамчанлыгын саклый.

Бу бигрәк тә хезмәт династияләре мисалында ачык күренә – буыннан-буынга хезмәткә һәм сайланган юлына мәхәббәт тәрбияләнә торган гаиләләр. Бүген дә залда шундый гаилә династияләре вәкилләре. Болар – әтисе Бөек Ватан сугышында катнашкан нәселле кадр офицерлары-генерал-майор Бородин гаиләсе, ике улы да бүген Россия Федерациясе Кораллы Көчләрендә хезмәт итә, ә оныгы махсус хәрби операция зонасында хәрби бурычларны үти; табиблар династиясе Мөшәрәповлар-Зариповлар, аларда гомуми педагогик стажы-530 ел.; КАМАЗда гомуми хезмәт стажы 280 ел булган Гайфуллиннар-Сафиннар хезмәт династиясе; инде өченче буында республикабызны бөтенроссия һәм халыкара ярышларда уңышлы тәкъдим иткән Шәрәфиевләр спорт династиясе. Сез-республикабызның һәм илебезнең чын горурлыгы! – дип ассызыклады Рөстәм Миңнеханов.

Кызыклы яңалыкларны күзәтеп бару өчен безнең МАХ каналына кушылыгыз.