#Сәясәт 26 гыйнвар 2023, 11:25

Татарстан Президенты төзәтмәләр закон көченә кергән вакыттан алып Рәис булачак

26 гыйнвар 2023, 11:25

Алтынчы чакырылыш Татарстан Дәүләт Советының кырыгынчы утырышында депутатлар Татарстан Конституциясенә үзгәрешләр кертү турындагы закон проектын карады. «Татарстан Республикасы Конституциясенә үзгәрешләр кертү турында» 381-6 номерлы Татарстан Республикасы законы проекты хакында Татарстан Дәүләт Советының Дәүләт корылышы һәм җирле үзидарә комитеты рәисе Альберт Хәбибуллин чыгыш ясады.

Скопировать ссылку

Исегезгә төшерәбез: 23 декабрьдә булган утырышта Дәүләт Советы депутатлары Татарстан Конституциясенең 89 нчы статьясына үзгәрешләр кертте. Аның нигезендә 2025 елда сайланачак Татарстанның югары вазифаи заты “Татарстан Башлыгы – Рәисе” дип атала башлаячак иде. Әмма Альберт Хәбибуллин, әлеге мәсьәлә буенча өстәмә консультацияләрдән соң, бу вакытны көтмичә, яңа атаманы хәзердән үк куллана башларга тәкъдим итте. Ягъни закон проекты кабул ителгән очракта, Рөстәм Миңнеханов хәзердән үк Татарстан Башлыгы – Рәисе булачак.

Кызыклы яңалыкларны күзәтеп бару өчен безнең МАХ каналына кушылыгыз.