#Сәясәт 19 сентябрь 2021, 21:43

Сайлау тәмам. Тавышларны саныйсы калды

19 сентябрь 2021, 21:43

Россия Дәүләт Думасына өч көн дәвам иткән депутатлар сайлау тәмамланды. Сәгать кичке сигездә барлык сайлау участоклары да ябылды. Алда иң мөһим эш - тавышларны санау. Россия буенча алып карасак, Татарстан сайлауларда катнашу активлыгы буенча алгы лидер төбәкләрнең берсе булып тора.

Скопировать ссылку

Сайлау кампаниясенә нәтиҗәләр ясап, Татарстан Республикасы Үзәк сайлау комиссиясе рәисе Андрей Кондратьев быелгы сайлауларның тыныч шартларда узуын искәртте. Татарстанда тавыш бирү 2810 сайлау участогында оештырылды. Сайлау участоклары янында ук диярлек 721 вакцина кадату пунктлары эшләгән. Баксаң, сайлаучылар әлеге мөмкинлектән дә бик актив кулланган. 16000ләп күзәтүче эшләгән. Үзебезнекеләр генә түгел, халыкара оешма вәкилләре дә булган әлеге күзәтүчеләр составында.

Кызыклы яңалыкларны күзәтеп бару өчен безнең МАХ каналына кушылыгыз.