#Төп тема 07 марта 2023, 15:55

Авыл хуҗалыгы үсешенә зур өлеш керткән районнар билгеле

07 марта 2023, 15:55

Татарстанның авыл хуҗалыгы һәм азык-төлек министры Марат Җәббаров ведоствоның коллегия утырышында авыл хуҗалыгы тармагы үсешенә зур өлеш керткән районнарны атады. Лидерлар рәтендә: Тукай, Кукмара, Әтнә, Балтач һәм Саба. Мөслим белән Тәтеш тә калышмый. Кайбыч, Кама Тамагы, Яңа Чишмә, Бөгелмә дә күрсәткечләрен сизелерлек яхшырткан. Ә менә Яшел Үзән һәм Питрәч беренче унлыктан төшеп калган. Рейтинг ахырында Әлмәт, Баулы, Балык Бистәсе, Югары Ослан, Әгерҗе районнары.

Скопировать ссылку

Авыл хуҗалыгы үсешенә зур өлеш керткән районнар билгеле

Авыл хуҗалыгында эшләүчеләрнең хезмәт хакы да җитештерүчәнлеккә бәйле. Бу да рейтинг индикаторларының берсе булып тора.
– Соңгы дүрт елда хезмәт хакы буенча сизелерлек үсеш күзәтелә. Ул 62 процентка үсеп, аена уртача 39 мең сумга җитте. Ләкин бу темплар да җитәрлек түгел. Районнар арасында аерма зур, хәтта күрше районнарда аерма 1,5 тапкырга җитә. Алдынгылар рәтендә Яшел Үзән һәм Тукай. Яңа Чишмә, Кайбыч, Алабугада яхшы динамика. Тәтеш, кукмара, Әтнә, Балтач та позицияләрен бирми. Ә Әгерҗе, Балык Бистәсе, Апас, Спас, Баулы бу бурычны начар үти. Югыйсә лаеклы хезмәт хакы квалификацияле белгечләрне җәлеп итәргә мөмкинлек бирә, – диде Марат Җәббаров.