Илсур Метшин Россия мэрлары рейтингында беренче урында

Казан мэры Илсур Метшин Россия шәһәрләре мэрлары арасындагы февраль рейтингында беренче урында.

Илсур Метшин, узган рейтинг нәтиҗәләре белән чагыштырганда, бер урынга күтәрелде.

Рейтинг Мәгълүмат коммуникацияләре үзәге белән берлектә, Россия Федерациясе Хөкүмәте каршындагы Финанс университетның Политология тикшеренүләре үзәге белгечләре тарафыннан төзелгән.

Россия шәһәрләре мэрлары рейтингының беренче унлыгына Илсур Метшин (Казан), Владимир Евланов (Краснодар), Александр Моор (Төмән), Иван Кононенко (Салехард), Сергей Боженов (Белгород), Максим Ряшин (Ханты-Манси), Ислам Кадыров (Грозный), Сергей Собянин (Мәскәү), Петр Тултаев (Саранск) һәм Олег Фурсов (Самара) кергән.