Россия - Иран комиссиясе утырышларының берсен Казанда уздырырга тәкъдим ителде

Татарстан Республикасы Президенты Рөстәм Миңнеханов сәүдә-икътисадый хезмәттәшлек буенча Россия-Иран комиссиясе утырышларының берсен Казанда уздырырга тәкъдим итте.

Мондый тәкъдимне ул Тәһранда Иран нефть министры, сәүдә-икътисадый хезмәттәшлек буенча даими Россия-Иран комиссиясе рәистәше Бижан Намдар Занһане белән очрашуда белдерде.

Рөстәм Миңнеханов Бижан Намдар Занһане әфәндегә очрашу өчен рәхмәт белдерде һәм Россия-Иран мөнәсәбәтләре кысаларында Татарстан Республикасы белән Иран Ислам Республикасы арасында хезмәттәшлекне үстерү мөмкинлеген югары бәяләвен әйтте.

Фото prav.tatarstan.ru сайтыннан алынды