Рөстәм Миңнеханов Россия Федерациясе Хөкүмәте Рәисе Дмитрий Медведев белән очрашты

Кичә Татарстан Республикасы Президенты Рөстәм Миңнеханов Мәскәүдә эш сәфәрендә булды. Анда ул Россия Федерациясе Хөкүмәте Рәисе Дмитрий Медведев белән очрашты. Әлеге чарада «КАМАЗ» ачык акционерлык җәмгыяте генераль директоры Сергей Когогин да катнашты.

Сүз «КАМАЗ» ачык акционерлык җәмгыятен үстерү стратегиясе мәсьәләләре турында барды. Шулай ук республика икътисадына кагылышлы мәсьәләләр буенча да фикер алыштылар.

Моннан тыш, Рөстәм Миңнеханов Россия Федерациясе Финанс министры Антон Силуанов белән дә очрашты, дип хәбәр итә
Татарстан Республикасы Президенты матбугат хезмәте.

^{Фото tatarstan.ru сайтыннан алынды}