Татарстан Президенты Рөстәм Миңнеханов Россия төзелеш министрлыгы башлыгы Михаил Мень белән очрашты

Татарстан Республикасы Президенты Рөстәм Миңнеханов Россия Федерациясе Төзелеш һәм торак-коммуналь хуҗалык министры Михаил Мень белән очрашты.

Михаил Мень Рөстәм Миңнеханов белән Бөек Ватан сугышы ветераннарын торак белән тәэмин итү, шулай ук күп фатирлы йортларга капиталь ремонт, гражданнарны авария хәлендәге торак фондыннан күчерү региональ программаларын гамәлгә ашыру һәм "Россия гаиләсе өчен торак" программасында катнашу мәсьәләләре буенча фикер алыштылар.

Очрашу барышында Михаил Мень ветераннар проблемасының мөһимлеген билгеләп үтте. "Без быел Бөек Ватан сугышында катнашучыларның барысын да торак белән тәэмин итәргә тиеш. Моның өчен региональ законнарны үзгәртергә кирәк булса, димәк, үзгәртергә кирәк, - диде ул.

^{Фото minstroyrf.ru сайтыннан алынды}