«ВАМИН» өстендә болытлар куера

«ВАМИН-Татарстан» тирәсендә йөргән имеш-мимешләр чынга аша башлады. Үткән атнада Татарстан Арбитраж судының акционерлык җәмгыятенә карата 10 сентябрьгә кадәр конкурс производствосын га­мәлгә кертүе мәгълүм булды. «ВАМИН»га бөлгенлек процедурасын кертүне кредиторлар хуплаган. Агрохолдингның вакытлы идарәчесе дә предприятиенең финанс хәле кредиторлар алдындагы бурычларын кайтаруга сә­ләтле түгел дип тапкан.
Моны республикадагы «сөт империясенең» таркала башлавы дип аңларга була. Экспертлар да холдингны яңадан бүлгәләү һәм яңа империя төзү хәрәкәте башлануына ишарәли.