Җәй эссе көннәр белән башланды

Җәй башланды... Урамда +30 градуслы эсселек! Синоптикларның фаразларына караганда, алдагы көннәрдә дә шундый һава торышы сакланачак.
Бүген Татарстан буенча температура +25, +30 градуска кадәр күтәреләчәк. Иртәгә, ягъни 4 июнь көнне дә эссе булачак. Төнлә белән термометрлар +11, +16 градусны күрсәтсә, көндез +23, +28гә кадәр җылытачак, ә көнбатыш районнарда +32 градус булуы көтелә. 5 июньдә дә көн аяз булырга тиеш. Төнлә белән +6, +16 градус булса, көндез +27, +32 градуска кадәр кыздырачак, дип хәбәр итә ТР Гидрометеорология һәм әйләнә-тирә мохит мониторингы идарәсе.