#Төп тема 21 марта 2014, 06:53

Яз кире кайта...

21 марта 2014, 06:53

Төньяк-көнбатыштан килгән салкын циклон нәтиҗәсендә, бу көннәрдә республикада чып-чын кыш урнашты. Һава торышының начарлануы аркасында, машиналарга да юлларда йөрү шактый кыенлашты. Кемнәрдер машиналарының тәгәрмәчләрен җәйгегә алмаштырып та өлгергән иде бит. Әмма борчылырга кирәкми, ди синоптиклар, чөнки республикага янәдән җылы һава торышы килә.

Скопировать ссылку

Шимбәдән үк температура әкренләп күтәреләчәк. Димәк, тагын тып-тып тамчылар тама, кар эри башлый дигән сүз. Бүген республика буенча салкынча һава торышы саклана әле, көндез 0,-5 градус чамасы булачак. 22 март төнендә -7, -12 градус булуы фаразлана, ә менә көндез +4 градуска кадәр җылытачак. Көндезге якта кыска вакытлы яңгыр яву ихтималы бар, дип хәбәр итә ТР Гидрометеорология һәм әйләнә-тирә мохитне күзәтү идарәсе. Якшәмбе көнне дә температура көндез +5 градуска кадәр күтәреләчәк. Атна башында да безне җылы көннәр көтә. Сүз уңаеннан, халык сынамышлары буенча, 22 мартта җылы булса, алда безне 40 көн җылы, салкын булса, 40 көн салкын һава торышы көтә.