Кызыклы яңалыкларны күзәтеп бару өчен безнең МАХ каналына кушылыгыз.
Балачакта алынган дәрес — гомерлеккә
Нишләптер олыгая барган саен балачак мизгелләре ешрак искә төшә. Рәхәтле чаклары да, михнәтлеләре дә…
Скопировать ссылку
Нишләптер олыгая барган саен балачак мизгелләре ешрак искә төшә. Рәхәтле чаклары да, михнәтлеләре дә…
Михнәт дип әйтүем, безнең балачакка эш эләкте инде. Әти кырыс холыклы иде: җәен без йокыдан торганчы эшкә чыгып китә, без яткач кына кайтып керә торган булды. Шулай да әтине сирәк күрү дә куркып торыр өчен җитә икән…
Кышын мәрхүмкәем иртән иртүк елгага төшеп, бәке ача иде. Мәктәпкә киткәнче шул бәкедән берничә көянтә су ташу — безнең вазифа. Елга буенда яшәсәк тә, никтер бөтен урам халкы суны безнең бәке аша алды, ә бәкене ачучы әти генә булды.
Берсендә суга киттем — бәке каткан. Янында бер ир басып тора:
— Әтиең бүген нигә бәке ачмады? — ди.
Ачкан инде, таң белән үк! Бер сүз дә дәшмичә өйгә йөгердем, лом белән чиләк алдым да кабат елгага элдердем. Теге ир ломны кулымнан алып, үзе чаба башлады. Мин боз кисәкләрен җыеп тордым. Шулчак ул, чишенеп, трусиктан гына калып, бәкегә төшеп китмәсенме! Мин аны суга батты дип торам, ә ул “морж” икән — су коена. Бер мизгелдә чыгып та басты.
Вход на сайт
Язмага реакция белдерегез
Мөһим
-
#Кыскача яңалыклар
Әлмәттә 96 яшьлек әби ике ел сукыр яшәгәннән соң кабат күрә башлаган
-
#Кыскача яңалыклар
Кыш ашыкмый: синоптиклар салкыннарны декабрьгә күчерә
-
#Кыскача яңалыклар
Казанда Mitsubishi йөртүчесе реанимациядә: аның 9 тапкыр юл кагыйдәләрен бозуы ачыкланган
-
#Дин
Аллаһ тәннәренә рәсем ясатучыларны ләгънәт кыла
-
#Авыл
Марат Әхмәтов: Тукай районы җитештерү күләмен 100 млрд сумга җиткерергә мөмкин
loading
Комментарийлар
0
0
Әйбәт кенә аңлатырга булмадымы икән, кыйнап кайтарырга инде, элек балаларның кәдере булмаган. Апам сөйләде мине әнкәй 3 - 4яшлек чагымда аскан, мин ашап утырганда урындыктан егылып төшкәнмен дә, елый башлаганмын, әнкәй тиз генә сикереп торган да, кулына озын шадра тастымал алып минем муенга элеп матчадагы кадакка аскан, мин тыпырчынам икән, апа шул чакта килеп әнкәйнең кулларын, аякларын тешни башлаган әнкәй мине төшергән, укытучы әнкәй, әнкәй үлгәч кенә сөйләде апам.Нәрсә эшлисең инде, исән чакта сөйләсәдә ачу тотмас идем ,әткәй көндә эчеп сугыша , әнкәйне куып чыгара иде , әткәйгә булган үчен миннән алгандыр. Әнкәй минем кулымда ян бирде, әнкәй әз генә чирләсә дә мин өөгереп кайта идем.крыннары оҗмахта булсын
0
0