“Ирләр йөрергә тиеш, ул аларга файдалы”
Сезгә үземнең йөрәк әрнүемне язып җибәрергә булдым.
Сезгә үземнең йөрәк әрнүемне язып җибәрергә булдым.
Хәерле көн, хөрмәтле редакция!
Бәлки, киңәш бирүчеләр табылыр, бәлки, минем хәлдә калган башка хатын-кызлар да үзләрен ялгыз тоймас.
Мин кияүдәге хатын, ирем белән инде 20 ел авылда яшибез. Бу еллар эчендә күпне күрергә туры килде. Гомер буе диярлек иремнең тәртибе начар булды, читкә йөрде, гаиләне тиешенчә кайгыртмады. Мин исә түздем, гаиләне сакларга тырыштым.
Өй, балалар — барысы да минем өстә. Ирем эштән кайткач интекмәсен дип, бөтен эшне алдан эшләп куярга тырышам. Кирәк булса, ир-ат эшен дә үзем башкарам: кадак кага, ремонт ясыйм. Акчаны да саклап тотам, чөнки ирем өйгә акча алып кайтмый диярлек. “Акчам юк”, — дип кенә җавап бирә. Балаларга да, миңа да ярдәм итми.
Үзем беркая чыкмыйча, гаилә дип яшим. Ә ул, киресенчә, шәһәрләргә чыгып, күңел ачып йөри. Миңа вакыт юк, ди, әмма башка хатын-кызларга вакыты табыла. Кычкырып, тавыш чыгарып, өйдә тынычлыкны боза да, чиста киемнәрен киеп чыгып китә.
Күп вакытлар бу хәлләрне белсәм дә, дәшмәдем, түздем. Әмма соңгы вакытта инде чиктән чыкты. Март аенда ул больницада ятканда да, дәваланудан соң төнге клубларга йөргән, хәтта кунакханәләрдә төн үткәргән. Апрельдә дә дуслары белән фатирда әшәке тормыш алып барганнары ачыкланды. Өстәвенә, танышу сайтларында да теркәлгән. Телефонын гел пароль белән бикләп, кулыннан төшерми.
Иң авыры — бу хәлләргә аның әнисенең карашы. Мин аңа зарлангач: “Ирләр йөрергә тиеш, ул аларга файдалы,” — дип җавап бирде. Ул кеше мине баштан ук кабул итмәде.
Мин инде аптырашта. Бу хәлләрне ничек туктатырга? Гаиләне ничек сакларга, әллә инде бөтенләй китәргә кирәкме? Балаларны жәллим… Алар өчен түзәргә дә көч калмый башлады.
Киңәшләрегезне көтеп калам.
Аноним
Фото: нейрочелтәр ярдәмендә әзерләнде
Кызыклы яңалыкларны күзәтеп бару өчен безнең МАХ каналына кушылыгыз.
Вход на сайт
Язмага реакция белдерегез
Мөһим
-
#Кыскача яңалыклар
Татарстанга давыл якынлаша: яшен, боз, көчле җил һәм томан турында кисәтәләр
-
#Язмалар
Нәфисә Сабирҗанова: «Исән булыйк әле, исән булыйк...» – күңелләрдә мәңге сүнмәс кояш
-
#Язмыш
Саба районында 27 ел буе тик яткан мотоциклга яңадан тормыш бирделәр
-
#Кыскача яңалыклар
Абитуриентлар саны буенча лидер булган шәһәрләр аталды
-
#Кыскача яңалыклар
Татарстанда алдагы көннәрдә һава торышы кискен үзгәрәчәк
Комментарийлар
5
0
Узенне хормэт итмэгэн Ир бн яшэмэ кит ,рэхэтлэнеп ,тынычта ,балаларыгыз бн яшэгез
0
0
4
0
Не надо с ним жить. Зря свою жизнь не трать на него. Он не исправиться!Уходи, беги пока не поздно
0
0
5
0
Узен кадак кагып ремонт та ясагач ул ир сэлэмэсе сина ни кишеремэ кирэк сон? Узен балаларынны карыйсын, тормышышны алып барасын. Ышан ,ул балластан котылгач мен паткыр жинел булачак!
0
0
2
0
Сезнен балакаем гайлэгез юк бит, ничек гайлэне саклап калырга дисез. Гайлэгездэ сез узегез хэм балаларыгыз гына бит. Ир дигэнегез ул сезнен загстагы печать кенэ, гайлэдэ анын вазыйфасы сездэн башка кунел ачу, узен кнагатьлэндереп яшэу генэ
0
0
2
0
Гайлэне саклап калырга дисез, нинди гайлэ булсын сезнен. Гайлэгездэ сез узегез балаларыгыз гына бит. Ир дигэнегез гайлэ агзасы диеп бары загстагы катыргы. Андый ир нигэ кирэк ул сезгэ? Оегезгэ пычрак ташучы, акчасын бирми
0
0