Кошлар нинди машиналарны «ярата»?

Эт белән мәчеләрдән аермалы буларак, кошлар кече йомышларын контрольдә тотмый, алар, кая җитте - шунда бушанып йөри. Британиянең Halfords сату челтәре экспертлары ачыклаганча, канатлы дусларыбыз күбрәк кызыл төстәге машиналарны пычратырга ярата икән. Икенче урында - зәңгәр машиналар, каралары - өченче урында. Ә менә ак, соры һәм көмешсу төсләрне кошлар бик үз итми, ә яшел машиналарга бөтенләй диярлек «тимиләр».
Белгечләр исәпләвенчә, Бөекбританиядә автосөючеләр кош тизәгеннән зыян күргән машиналарны ремонтлау өчен ел саен 90 млн долларга якын акча түгә.