Кредитны ничек түләү отышлырак?

"Инфляция үскән саен бурычыгызның кыйммәте дә кими бара. Әмма кайбер очракта бәяләр үсә, ә хезмәт хакы шул килеш кала. Бу исә бурычны түләү мөмкинлегенә тискәре йогынты ясый”, – ди эксперт.

Мондый очракта, артык акча сарыф итмәс өчен, мөмкинлектән чыгып, кредитны вакытыннан алда каплау яхшы дип киңәш итә ул. Бу операцияне өлешчә генә дә эшләргә була. Мисал өчен, керемнең 10 процентын өстәмә түләп барырга.

Андрей Сычев билгеләп үткәнчә, банклар кредит түләүнең беренче вакытында процентлар өчен акча ала. Ә төп бурычны кулланучы соңрак түли. Шуңа да беренче вакытта акчаны ни кадәр күбрәк кертсәгез, процентлар да шул кадәр күбрәк кими.

Эксперт бу ысулны куллануның файдасын кредит калькуляторында санап карарга киңәш бирә. Шулай ук кертемнәрне күбрәк ясап, бурычны алданрак түләргә ниятлисез икән, бу хакта банкка хәбәр итәргә кирәк, ди ул. Моның өчен махсус документлар таләп ителми.
“Шул ук вакытта, кредитны алдан түлим дип, соңгы акчагызны түләргә кирәкми. Моның тагын да зуррак кредитлар алуга китерүе бар”, – дип кисәтә Сычев.

Фото: freepik.com