Газиз Хәсәнов: «Күз тидерерләр дип куркам»
Казан төзелеш көллиятенең өченче курс студенты Газиз Хәсәновны «WorldSkills» чемпионатының республика этабында I урын алганнан соң урамда да таный башлаганнар. Туган авылы Зур Сәрдектә дә (Кукмара районы), көллияттә дә күзгә күренеп абруе арткан. Моңа гаҗәпләнәсе дә түгел, чөнки Газиз «Республиканың иң яхшы кирпеч салучы белгече» дип табылды бит.
Казан төзелеш көллиятенең өченче курс студенты Газиз Хәсәновны «WorldSkills» чемпионатының республика этабында I урын алганнан соң урамда да таный башлаганнар. Туган авылы Зур Сәрдектә дә (Кукмара районы), көллияттә дә күзгә күренеп абруе арткан. Моңа гаҗәпләнәсе дә түгел, чөнки Газиз «Республиканың иң яхшы кирпеч салучы белгече» дип табылды бит.
- Әти дә, бабам да мич чыгаручы. Минем дә шушы юлдан китәсем килде. Элек-электән бу һөнәрнең дәрәҗәсе зур. Хәзер йортларга газ кертелсә дә, әледән-әле мунча мичләре, өйгә каминнар чыгаруны сорап торалар. Керемле эш, - ди егет.
Ә чемпионатта җиңү яулар өчен аңа ике ел тир түгеп эшләргә, өйрәнергә туры килә. Хәзер исә апрель аенда булачак Мәскәү янындагы ярышларга әзерләнә.
- Чемпионат вакытында 22 сәгать дәвамында өч төрле бирем эшләргә туры килде. Бездә иң мөһиме - үлчәмнәр дөрес булу. 1 миллиметр ялгышсаң - 0,1 балл, бер сантиметр ялгышсаң, 1 баллыңнан колак кагасың. Чемпионаттан соң игътибар шулкадәр артты, күз тидерерләр дип куркам хәтта, - дип елмая егет.
Газизнең кызыксынулары уку белән генә чикләнми. Футбол, хоккей уйнарга да вакыт таба. Йөргән кызы да бар. Ләкин гаилә корганчы, аягында нык басып торасы килә аның.
- Карьерага ирешмичә, гаилә корып булмый. Ир кешегә эшле булу кирәк, - дигән фикердә ул.
Республика этабында Газиз 543 балл җыйган.
Кызыклы яңалыкларны күзәтеп бару өчен безнең МАХ каналына кушылыгыз.
Вход на сайт
Язмага реакция белдерегез
Мөһим
-
#Җәмгыять
Мәскәү базарында җәйнең иң мул чагы!
-
#Язмалар
«Бер әтидә мең шәхес»: Зиннур Хөснияр турында якыннары һәм танылган шәхесләр нәрсә сөйли?
-
#Кыскача яңалыклар
Татарстанда эт хуҗалары өчен яңа чикләүләр кертергә җыеналар: нәрсәләр үзгәрәчәк?
-
#Кыскача яңалыклар
Татарстанда иң зур яшьләр форумнарының берсе башлана: «Лига форум»га кемнәр килә?
-
#Кыскача яңалыклар
Табиблар могҗиза ясады: Казанда бер операция вакытында хатын-кыздан ике зур шешне алганнар
Комментарийлар