#Язмалар 28 февраль 2022, 15:24

1 сәгать эчендә 550 килограмм пилмән

28 февраль 2022, 15:24

Казан шәһәре Башкарма комитетында узган “Эшлекле дүшәмбе” киңәшмәсендә мәгариф һәм сәламәтлек саклау учреждениеләрен азык-төлек белән тәэмин итү мәсьләсе каралды. “Казанның азык-төлек һәм социаль туклану департаменты” акционерлык җәмгыяте узган ел үзенең җитештерү куәтләрен һәм инфраструктурасын камилләштерү буенча 49,1 миллион сумлык эшләр башкарган.

Скопировать ссылку

Туңдыру агымына яңа җиһазлар көйләү 45 минутта 9600 порция әзерләгә мөмкинлек тудырган. CD-800 пилмән ясау аппараты шушы ашамлык әзерләүне 2 мәртәбәгә арттырган, 1 сәгать эчендә 550 килограмм пильмән “ашагыз мине” дигәндәй тезелешеп тора.

Склад бинасына кертелгән үзгәрешләр, яңа корылмалар төземичә дә, мәйданның нәтиҗәлелеген яхшырткан. Хәзер комбинатның суыткычлар мәйданы 840 квадрат метрны тәшкил итә. Ике атналык ит, кош ите һәм май запасы саклап була. Чәчелә торган продуктлар склады мәйданы 790 квадрат метрга җиткерелгән. Ярма, он һәм шикәр запасы 20 процентка арттырылачак. Ел ахырына склад мәйданнары 2730 квадрат метрга җиткереләчәк.

Департамент 995 мәгариф учреждениесендә 280,7 мең кешенең туклануын тәэмин итә. Азык-төлек Казандагы 302 мәктәпкә, шулай ук Лаеш, Балтач, Яшел Үзән, Югары Ослан һәм Әтнә районнарына җибәрелә. Казандагы 685 балалар бакчасы һәм республиканың Лаеш, Балтач, Яшел Үзән, Югары Ослан, Әтнә, Питрәч, Арча, Биектау, Кайбыч һәм Теләче районнарындагы мәктәпкәчә яшьтәгеләр мәгариф учреждениеләре тукландырыла. Казандагы 8 хастаханәдә тукландыру эше дә шушы деапртамент карамагында.

Татарстан башкаласындагы 113 мәктәп ашханәсе төзекләндерелде, туклану урыннары 6,5 урынга арттырылды. Быел тагын 31 мәктәп ашханәсенә ремонт ясалачак. Казанда 3 елда мәктәп ашханәләрен җиһазландыруга 700 миллион сум тотылган.

Кызыклы яңалыкларны күзәтеп бару өчен безнең МАХ каналына кушылыгыз.