#Язмалар 05 декабрь 2023, 11:30

Аномаль салкыннарның кайчанга кадәр сакланачагы билгеле

05 декабрь 2023, 11:30

Казан университетының метеорология, климатология һәм экология кафедрасы доценты Тимур Әүхәдиев “ШК”га хәбәр иткәнчә, көнбатыш циклонга алмашка Арктиканың аз болытлы антициклоны килә.

Скопировать ссылку

Аномаль салкыннарның кайчанга кадәр сакланачагы билгеле

Төньяк һава агымы белән салкын һава керәчәк.

– Һава температурасы климатик нормадан 16 градуска түбәнрәк булачак. Декабрь башында уртача тәүлек нормасы -8 градусны тәшкил итсә, бу атнада ул -24-28 градуска чаклы төшәчәк. Төнлә тагын да салкынрак була. Иң салкын көннәр атна ахырында булыр дип фаразлана. Әлеге салкын һава торышы кимендә икенче атна башына кадәр тоткарланачак, – диде ул.

Көннәр суыткач, явым-төшем көтелми. Ә бу берничә атнада инде кар җитәрлек яуды. Декабрь башына кар катламының биеклеге норма буенча уртача 11-12 сантиметр булырга тиеш, ә бүгенгә ул 19 сантиметрга җиткән. Декабрьнең берничә көнендә кар айлык норманың өчтән бер өлеше кадәр яуган.

2002 елда да аномаль салкыннар күзәтелгән. Ул елны 10 декабрьдә -24,8 градус булган. Ай ахырында хәтта -32гә җиткән. 1973 елда 11 декабрендә -25,2 градуска кадәр төшкән. 1978 елның 31 декабре исә тарихта иң суык көн булган, термометр баганасы -44 градусны күрсәткән.

Фото: https://baltaci.ru/

Кызыклы яңалыкларны күзәтеп бару өчен безнең МАХ каналына кушылыгыз.