#Язмалар 18 апрель 2021, 15:02

Габдерәхимнең энесе: "Хәле авырыйганын сизгәч, кыйблага карап, намазлык өстендә җан биргән" 

18 апрель 2021, 15:02

"Габдерәхим белән хушлашу урынын һәм вакытын сорап бик күп кеше язды, шалтыратты. Соңгы ике көндә телефоннарыбыз тынып тормады",- дип яза "Акчарлак" газетасы редакциясе.

Скопировать ссылку

Габдерәхимнең энесе: "Хәле авырыйганын сизгәч, кыйблага карап, намазлык өстендә җан биргән"

"Рөстәм Мөнәвәр улы Юнысов бүген Самосырово мөселман зиратында күмелде. Бу хакта безгә аның энесе Рамил хәзрәт Юныс хәбәр итте: "Икәү генә сөйләшкәндә Габдерәхим миңа әйткән иде: үлсәм, мине беркемгә дә күрсәтмә. Янымда хатыным, балам hәм җеназа укучы берничә якын кешеләрем генә булсын", дип васыятен калдырды. Үзе теләгенчә эшләдем. Бүген җирләдек. "Кешеләр күңелендә тере килеш каласым килә", диде.
Урыны җәннәттә булсын. Мин фотога да төшереп алдым , хәле авырыйганын сизгәч, намазлыкка егылган, кыйблага карап, намазлык өстендә җан биргән. Тирә ягында дога битләре, ашыгып дога кылган. Догалары кабул булсын!", - диелә "Акчарлак" газетасының социаль челтәрдәге рәсми сәхифәсе.

Танылган журналист Габдерәхимнең вафат булуы хакында кичә, 17 апрельдә билгеле булды. Аңа 56 яшь иде.