“Кадрлар резервы” лидерлар әзерләүгә кереште: быел катнашучыларны ниләр көтә?

Александр Карпов үзенең студент еллары һәм бүгенге көндәге эшчәнлеге турында сөйләде. Анна Фельдман исә катнашучыларга үзаңны үстерү, стресс белән көрәшү техникаларын гамәлдә аңлатып күрсәтте. Киләсе лекторий 20 мартта узачак.
Әлеге проект 2009 елдан башлап Татарстан Республикасы Президенты һәм Татарстан Республикасы Яшьләр эшләре министрлыгы ярдәме белән тормышка ашырыла.
“Кадровый резерв” – яшьләрнең идеяләрен тормышка ашыру өчен шартлар тудыра торган, һөнәри мобильлекне үстерүче бер еллык программа. Әлеге проектка аяк баскан катнашучыларны төрле уку-укыту лекторийләре, команда оештыру буенча тренинглар, иҗтимагый һәм башка өлкәләрдә файда китерә алырлык проектларны язу һәм тормышка ашыру юлы көтә. “Кадровый резерв” программасын үткән яшьләрнең күбесе төрле хакимият органнарында үз-үзләрен табып, республиканы үстерү өстендә эшли.
Быел әлеге проектның инде уникенче сезоны уза. Татарстанның 45 муниципаль районыннан барлыгы 1667 кеше гариза биргән. Шуларның 1103 генә кабул ителеп, әңгәмәгә чакырылган. Ә инде төп этапка бар тик 133 кешене генә алганнар. 
Бер ел буена әлеге 133 катнашучыны катлаулы этаплар көтә. Беренче этапта һәркем лидерлык сәләтен үстереп, үзе өстендә эшли алачак. Икенче этап команда булдыру, аның белән хезмәттәшлек итүгә юнәлдерелгән. Ә соңгы этапта катнашучыларның һәрберсенә иҗтимагый проект әзерләп, аны яклап, федераль дәрәҗәдә чынга ашырырга кирәк булачак.

Алсу Мансурова

Кызыклы яңалыкларны күзәтеп бару өчен безнең МАХ каналына кушылыгыз. 

‹ ›

❮

❯