"Хәере белән булсын!": Рөстәм Миңнеханов белән Минтимер Шәймиев сайлауларда катнашты

Татарстан Президенты Рөстәм Миңнеханов республика җитәкчесен һәм Казан шәһәре Думасы депутатларын сайлауларда катнашты. 42нче сайлау участогына ул тормыш иптәше Гөлсинә ханым белән килде.

Татарстан Республикасының Дәүләт киңәшчесе Минтимер Шәймиев исә Лаеш районындагы Боровое Матюшино бистәсендә тавыш бирде. Сайлау бюллетенен урнага салганда, "Хәере белән булсын" дип белдерде ул.