#Язмалар 04 ноябрь 2018, 10:57

Мәхәббәт ул шундый була: Татарстанда яшьлектә аерылган гашыйклар 40 елдан соң кавышкан

04 ноябрь 2018, 10:57

Чаллыда яшәүче элеккеге табиб Әлфия Галеева үзенең мәхәббәт тарихы турында «Челнинские известия» басмасына сөйләгән. 40 елдан соң ул беренче мәхәббәте белән кавышкан.

Скопировать ссылку

Мәхәббәт тарихы 60 еллардан башланып киткән. Сыйныфтшлар Роберт белән Әлфия арасында булган хисләр әллә күпме дөрләргә өлгерми кала, аларга 17 яшь булганда юллары аерыла.

Мәктәп дусларына бер кичәгә җыелган вакытта Роберт Әлфиягә кияүгә чыгарга тәкъдим ясый, ул вакытта булачак ире белән танышып өлгергән кыз ризалык бирми.

Еллар үтә, Роберт белән Әлфия икесе дә гаилә кора, балалар, соңрак оныклар үстерә.

Робертның хатыны авыртып үлеп киткәннән соң, Әлфиягә классташлары кайгы уртаклашырга кушалар. Тик Әлфия булдыра алмый.

Ярты ел үткәч Әлфия гаиләсенә дә кайгы килә: аның ире үлеп китә. Ул ялгызы гына яшәргә өйрәнә, ә беркөнне интернетта утырганда аңа "Без сезнең классташыгызны таптык», – дигән хәбәр килеп төшә. Әлеге хәбәргә басса, ул Роберт булып чыга. Шуннан ике ялгыз аралаша башлыйлар. Бер еллап язышканнан соң гына Әлфия Робертка телефонын бирә һәм ялгыз икәнлеген әйтә.