Мәхәббәтегезне видеога төшерәләр. Сак булыгыз!

Вконтакте социаль челтәрендә квадрокоптер белән төшерелгән видеоларны куйган төркем оештырганнар. Роликларны төшерүчеләр Казан халкының интим тормышын күзәтә, дип яза "Челнинские известия"

Шулай итеп, безнең тормышыбызны югарыдан да күзәтәләр. Элегрәк бер өйнең тәрәзәсеннән икенче өй тәрәзәсе аша шушы фатирда яшәүчеләрнең тормышы "өйрәнелсә", хәзер инде квадрокоптерларны эшкә җигеп, видеога да төшерә башлаганнар. Видеога төшерү бер хәл, ә менә аны социаль челтәрләрдә тарату кемгә һәм ни өчен кирәк - анысы билгесез.