Мөслимдә янгын: «Кайгы ялгызы гына йөрми диләр, дөрестер инде...»

Өе, мунчасы һәм гаражы янгыннан зыян күрә.

– Әлеге йортта ике гаилә яши, –  дип сөйләде безгә хуҗабикәнең Чаллыда яшәүче кызы Инзилә Ласукова. – Заманында колхоздан эшчеләргә бүлеп бирелгән, аның бер ягында без, икенче яртысында күршеләр гомер итте. Без дә шунда тудык, шунда үстек. Әти-әниебез озак еллар колхозда эшләп, лаеклы ялга чыккан кешеләр. Әтиебез моннан берничә ел элек чирдән үлеп китте. Бу нигездә зни берүзе генә яши иде. Ялларга бер кайтабыз, ялгызлыктак боегып утырырга ирек бирмибез. Олы апабыз Азилә кызы, каенанасы белән Мөслимнең үзендә яши.

Сүз уңаеннан, Азилә Кадыйрова Мөслимнең "Егет без" төркеменең актив волонтеры. Һәрчак алгы сызыктагы егетләребезгә ярдәм җыюда актив катнаша. Җиңү якынлашу өчен үзенең дә саллы өлешен кертә. Аны да тормыш нык сынаган. Ике ай элек кенә тормыш иптәше яман чирдән үлеп киткән. 

– Кайгы ялгызы гына йөрми диләр, дөрестер инде. Кичен гараж ягынннан янгын чыккан да, ут телләре аннан мунчага, өйгә күчкән. Ярый ла, өй тулысы белән янып бетмәгән. Түбә тулысы белән янып беткән. Бөтен бүлмәләр су белән тулган. Янәдән төзекләндерәсе бар. Пенсиядәге әни өчен бик саллы сумма чыга. Без өчебез дә мәгариф системасында эшлибез. Апам Азилә математика фәнен укыта, мин – башлангыч сыйныф укытучысы, әлегә декрет ялында. Тагын бер апам тәрбияче булып эшли. Әлегә әниебез Тугашта яшәүче әбиебезгә күченеп торды. Бик тә кире үз йортына кайтасы килә, нишлисең бит, гомер кичергән нигезе. Һәр кадак, һәр такта аның өчен кадерле, – дип сабырлык белән сөйләде Инзилә. 

Тиздэн ураза ае житэ. Үзебезнең бирәсе хәер-сәдакәларыбызны аларга җибәрсәк бик яхшы булыр иде. 89625657838 телефон номеры Гимазетдинова Фидалия апанын номеры Саклык банкына беркетелгән, яки инде 89172331217 номеры буенча да акча күчереп була. 
Тамчыдан күл җыела. Авыр вакытта бер-беребезне ташламасак иде.