Һөнәр сайлау яки бала теләгенә каршы килмик!

"Барлык әти-әниләр дә баласының һөнәр сайлау чоры белән очраша. Кемдер кечкенәдән бала өчен карар кабул итә һәм аны шушы тәртип буенча үстерә, кемдер баласы һөнәр сайлый башлауга, үзенең зур роль уйнарга тиешлеген искә төшерә! Табиб яисә укытучы, төзүче, пешекче булсын дип карар кыла. Ул үзенчә аны хаталардан, «ялгыш» адымнан саклый. Һәм бик күпләр, ялгыш кына да, баланың теләге белән кызыксынмый. 

Әлбәттә, күп очракта бала килешә, чөнки аның алдагы тормышка максаты юк. Ул киләчәк тормышын күзаллый белми, чөнки мона өйрәтелмәгән. 
Кем баласы гына булса да, йолдыз баласымы, гади кеше баласымы ул, иң беренче чиратта, бала! Үзенең уй-теләкләре, хыяллары булган шәхес ул. Һәм аның үзе теләгән юлны сайларга хакы бар. Һөнәр сайлауда әти-әни, әлбәттә, йомшак итеп кенә үз киңәшен бирсен, әмма бала теләгенә каршы килмәсен иде.