Сырны нәрсә ХАРАМ итә?

Сатуда ХӘЛӘЛ сырлар да бик күп! Аларга карата бернинди дә сораулар тумый.

Сырның составында «сычуг» дигән матдә бар. Ул хайваннардан алына. Сырның составында «сычужный фермент (сычуг) животного происхождения» дигән язу булса һәм хәләл билгесе дә тормаса, димәк әлеге сыр харам санала.

Шуңа күрә сыр сатып алганда, составын укып алырга кирәк.

Сырны да харам дип уйламаган идек, нигә алай диярсез.

Безне дөрес аңлагыз, максатыбыз авырлыклар ясау түгел, ә харам ризыклар хакында мәгълүмат бирү.

Без, Аллаһыга шөкер, мул һәм ризык төрлелеге күп булган заманда яшибез. Төрле ризыклар арасында харам булганнары да шактый.

Боларны ТР мөселманнары Диния нәзарәтенең «Хәләл» комитеты үз контрольлегенә алган. Һәм без үзебезнең Диния нәзарәте структураларына тулысынча ышана алабыз.

("Дин вә мәгыйшәт")