Татарстанда коронавирус кермәгән район калмады: 71 яңа очрак һәм унынчы үлем...

Кызганыч, Татарстанда коронавирус кермәгән район калмады. Моңарчы "чиста" район булып калган Балык Бистәсендә берьюлы 4 коронавируслы кеше ачыкланган!

География:
1.    Казан – 24
2.    Чаллы – 23
3.    Әлмәт – 1
4.    Апас – 6
5.    Әтнә – 1
6.    Биектау – 1
7.    Яшел Үзән – 3
8.    Лаеш – 1
9.    Түбән Кама – 7
10.   Питрәч – 2
11.   Балык Бистәсе – 4
12.   Саба – 1
13.   Тукай – 1

Кызганыч, бу юлы да үлемсез булмады. 20 майда 1963 елда туган Казан кешесе вафат була.

Россия буенча исә узган тәүлектә коронавирусның 8894 очрагы теркәлгән. 150 кеше бакыйлыкка күчкән. Гомумән алганда, илдә барлыгы 326448 кеше авырган яки авырый. Пандемия башланганнан бирле, Россиядә 3249 үлем очрагы теркәлгән.