#Язмалар 23 ноябрь 2021, 14:35

Татарстанның алты министрлыгы эшендәге төп максатлар өчен тавыш бирү 7 декабрьгә кадәр дәвам итәчәк

23 ноябрь 2021, 14:35

Татарстанда 2022 елга министрлыклар эшендә өстенлекле юнәлешләр проекты кысаларында максатлар өчен тавыш бирү бара. Әлеге проект быел дүртенче тапкыр гамәлгә ашырыла. Бу хакта Татарстан Иҗтимагый палатасы рәисе Зилә Вәлиева сөйләде.

Скопировать ссылку

Татарстанның алты министрлыгы эшендәге төп максатлар өчен тавыш бирү 7 декабрьгә кадәр дәвам итәчәк

— Бу проект дүрт катнашучы белән башланып китте. Алар: Татарстан Республикасының Сәламәтлек; Мәдәният; Мәгариф һәм фән; Хезмәт, халыкны эш белән тәэмин итү һәм социаль яклау министрлыклары. 2019 елда Яшьләр эшләре министрлыгы һәм Спорт министрлыгы да кушылды. Башка еллар биргән тәҗрибәдән чыгып, быел экспертлар сессиясен мәҗбүри итеп куйдык. Шулай итеп, өстенлекле максатлар буенча экспретлар һәм министрлыкларның Иҗтимагый советы әгъзалары фикер алыша. Быел экспертлар саны арттырылды, - диде Зилә Вәлиева.

Мәгариф һәм фән министрлыгының өстенлекле максатлары буенча тәкъдимнәр арасында - уку тәмамланганнан соң мәктәптә 3 елдан артык эшләгән укытучылар өлешен арттыру, криминал субкультураларга каршы көрәш буенча белем алучы чараларның кимендә 80 процентын колачлау, “Сыйныфны психологик-педагогик яктан тәэмин итү” программасы буенча 2000 сыйныф җитәкчесенең квалификациясен күтәрү.

Тавыш бирү ТР Дәүләт хезмәтләре порталында 7 декабрьгә кадәр дәвам итә.

Кызыклы яңалыкларны күзәтеп бару өчен безнең МАХ каналына кушылыгыз.