Видеодиварлар сайлауларның ачыклыгын исбатлый

Аларда сайлау участоклары трансляцияләнә, бер үк вакытта 48 участокны карап була. Тәүлекнең теләсә кайсы вакытында видеодивар аша сайлау участокларында тавыш бирүне күзәтергә мөмкин. Әлеге яңалыкны күзәтүчеләр, чит ил экспертлары югары бәяләгән, чөнки ул – сайлауларның ачык булуын тагын бер кат исбатлый.

Күзәтүчеләр арасында блогерлар, яшьләр оешмалары, төзелеш отрядлары вәкилләре, күп балалы гаилә әгъзалары бар. Күзәтүчеләрнең дүрттән бер өлеше - яшьләр, хатын-кызлар күпчелекне тәшкил итә. Зилә Вәлиева блогерларның актив катнашуын билгеләп узды, аларны үзенчәлекле мәдәниятлы халык дип атады. Быелгы сайлаулар буенча сораулар азрак һәм алар тавыш бирү нәтиҗәләренә йогынты ясарлык түгел.