#Язмалар 21 апрель 2020, 20:36

"Зөләйха күзләрен ача" фильмы нинди татар җыры белән тәмамланачак?

21 апрель 2020, 20:36

"Зөләйха күзләрен ача" сериалы Динә Гарипова башкаруында "Ай былбылым" җыры белән башланган иде. Сериалның нинди җыр белән тәмамланачагы да билгеле булды.

Скопировать ссылку

"Зөләйха күзләрен ача" фильмы нинди татар җыры белән тәмамланачак?

«Россия-1» каналында барган «Зөләйха күзләрен ача» сериалының соңгы сериясендә Татарстанның атказанган артисты Эльмира Кәлимуллина башкаруындагы «Өмет йолдызы» җыры яңгыраячак. Бу хакта җырчы «Татар кызы» бәйгесе аккаунты белән оештырылган туры эфир вакытында хәбәр итте.

«Өмет йолдызы» дигән яңа җырыбыз чыкты. 2018 елда композитор Эльмир Низамов Ренат Харис сүзләренә музыка язды. Парижга барырга әзерләнгән вакыт иде, шулчак Эльмир «җырлап карале», — диде. Җырлап карадым, сүзләре искиткеч, фәлсәфи яктан бик киң. Без аны 2019 елда яздырдык. Алла теләсә, әлеге җыр «Зөләйха күзләрен ача» сериалының соңгы сериясендә булачак», — диде ул.

Бу хакта "Татар-информ" яза.

Кызыклы яңалыкларны күзәтеп бару өчен безнең МАХ каналына кушылыгыз.