"Адмирал" сәүдә үзәгендә янгын фаҗигасы уңаеннан Татарстан халыклары Ассамблеясы советы мөрәҗәгате

Татарстан халыклары Ассамблеясы советы Казанда "Адмирал" сәүдә үзәгендә янгын чыгу фаҗигасын бик авыр кабул итте.

Кызганычка каршы, зур янгын чыгу нәтиҗәсендә һәлак булучылар һәм зыян күрүчеләр арасында милли-мәдәни автономияләре вәкилләре дә бар.

Татарстан халыклары Ассамблеясы советы исеменнән әлеге фаҗигада һәлак булучыларның һәм зыян күрүчеләрнең туганнарының һәм якыннарының тирән кайгысын уртаклашабыз. Битараф булмаган Казан халкын уртак кайгы тирәсендә берләшергә, кулдан килгәнчә ярдәм итәргә чакырабыз.

Татарстан халыклары Ассамблеясы советы хакимият структураларына әлеге фаҗиганың төп сәбәпләрен ачыклау һәм тикшерүне сорап мөрәҗәгать белән чыга. Без Татарстанның биредә эшләргә, укырга һәм мәдәниятебезне өйрәнергә теләүчеләр өчен ачык булуын телибез.