Автобус ауган

Казанның Рихард Зорге һәм Даурия киселешендә «КамАЗ» кызыл автобусны бәреп аударган. Нәтиҗәдә, 6 кеше зыян күргән. Вакыйга урынына 5 ашыгыч ярдәм бригадасы һәм бер катастрофалар медицинасы үзәге бригадасы килгән. 4 зыян күрүчене - РКБ травма үзәгенә, тагын икесен Совет районы травмпунктына алып киткәннәр. Алар арасында балалар юк. Зыян күрүчеләр авыр булмаган травмалар алган. Табиблар юл-транспорт һәлакәтенә эләгүчеләрнең икесенең хәлен җиңел дип, ә дүртесенекен уртача авырлыкта дип билгеләгән.