#Җәмгыять 04 апрель 2013, 07:45

Биючеләр бии-бии остара

04 апрель 2013, 07:45

Март башында «Россия-1» телеканалында «Большие танцы» дигән яңа проект старт алды. Белгәнегезчә, анда Россиянең сигез шәһәреннән йөзәр кешелек сигез команда үзара көч сынаша. 16 мартта чирек финалның беренче ярышы да булды. Нәтиҗәдә казанлылар, 78/69 исәбе белән, Самара командасыннан өстен чыкты. Мәскәү белән Волгоград командалары чыгыш ясаганнан соң, 72/67 исәбе белән...

Скопировать ссылку

Казан командасына килгәндә, әлегә алар 13 апрельдә булачак чыгышларына әзерләнә. Анда аларның көндәшләре мәскәүлеләр һәм тамашачыларның иң күп тавышын җыйган команда булачак. Анысының кайсы команда булуы әлегә билгесез, биючеләрдә кабат Самара командасы белән очрашмагаек дигән уй да бар. Хореограф Алина Барилова сүзләренә караганда, команда тамашачыларны һәм жюри әгъзаларын яңа идеяләр белән шаккатырырга җыена. Беренче бию Майкл Джексон җырына нигезләнсә, икенчесе Кристина Агилера җырына куелачак икән. Соңгысы мюзиклны хәтерләтәчәк ди.
Апрель ахырында Мәскәүнең Горький исемендәге паркында шоуның финалы узачак. Анда финалга чыккан дүрт команданы тамашачылар билгеләячәк. Җиңүче бары смс-тавыш бирү аша гына билгеләнәчәк. Хөрмәтле газета укучыларыбыз, җиңүчеләр арасында үзебезнең казанлыларны да күрергә теләсәгез, алар өчен смс җибәрергә онытмагыз.

Кызыклы яңалыкларны күзәтеп бару өчен безнең МАХ каналына кушылыгыз.

#250