Карточка белән түләттермиләр

Кибеттә карточка белән акча түләргә теләгән идем дә, кабул итмәделәр. Казандагы зур гипермаркетларның берсендә булды бу хәл. Кассир, кризис вакытында без тере акча белән генә эшлибез, дип җавап бирде.
Айгөл Вафина, Казан.

Татарстанның премьер-министр урынбасары - мәгълүматлаштыру һәм элемтә министры Роман Шәйхетдинов әйтүенчә, закон нигезендә, һәр кибеттә электрон мәгълүматлаштыруга корылган, ягъни акчаны карточка аша кабул итә ала торган җайланма булырга тиеш. Спиртлы эчемлекләр сата торган кибетләрдә бу аеруча катгый куелган. «Минем үземнең мондый проблема белән очрашканым юк, гадәттә, акчаны картадан да кабул итәләр. Хәтта авылларда да карточкадан акча алу мөмкинлеге булган терминаллар бар. Бу очракта «Халык контроле» порталына шикаять юлларга була», - ди Роман Шәйхетдинов.