Казанда Халыкара мәхәббәт агачы үсә

Универсиада паркында Халыкара мәхәббәт агачы үсеп чыкты. Аны тәрҗемәче Татьяна Говорухина «үстергән». Дөньяның 68 телендә «Мин сине яратам» дип язылган ленталар белән бизәлгән агач Уругвай җыелма командасының малярия белән авырып киткән спортчысына теләктәшлек йөзеннән үстерелгән икән. Универсиада авылында яшәүче спортчы егет дөрестән дә малярия белән хастаханәгә салынган иде шул. Үз илендә әлеге авырудан дәваланып терелгән булса да, Казанга килгәч, бу чир тагын баш калкыткан. Әллә артык эсселек ярамаган инде шунда... Хәзер спортчы бездә дәвалау курсы уза, аның хәле начар түгел.