Казанда яңа җитәкчеләр билгеләнде

Казанның ЗАГС идарәсенең яңа җитәкчесе итеп Гүзәл Габбасова билгеләнде. Бу хакта бүген «эшлекле дүшәмбедә» шәһәр Мэры Илсур Метшин хәбәр итте. Әлегә кадәр Гүзәл Фәрит кызы Универсиадага әзерләнү һәм үткәрү буенча оештыру эшләрендә катнашкан иде. Идарәнең элеккке җитәкчесе Альбина Шәвәлиева 2014 елның көзендә Татарстан Республикасы Министрлар Кабинетында шундый ук ведомствоны җитәкли башлады.

Шулай ук Казан халкын эш белән тәэмин итү үзәгендә дә яңа җитәкче билгеләнде. Аны Марат Хәйруллин җитәклиячәк. Моңа кадәр директор вазифасын Валерий Корнеев үтәгән иде.

Илсур Метшин Гүзәл Габбасовага Һәм Марат Хәйруллинга яңа эшләрендә уңышлар теләде.