19-21 май көннәрендә Казан шәһәрендә “Милли тормыш һәм дин” XIII Бөтенроссия татар дин әһелләре форумы оештырыла. Бөтендөнья татар конгрессы башкарма комитеты җитәкчесе Данис Шакиров билгеләп үткәнчә, быелгы форумның үзенчәлеге – “Россия-Ислам дөньясы: KazanForum” халыкара икътисад форумы кысаларында узуы.
19-21 май көннәрендә Казан шәһәрендә “Милли тормыш һәм дин” XIII Бөтенроссия татар дин әһелләре форумы оештырыла. Бөтендөнья татар конгрессы башкарма комитеты җитәкчесе Данис Шакиров билгеләп үткәнчә, быелгы форумның үзенчәлеге – “Россия-Ислам дөньясы: KazanForum” халыкара икътисад форумы кысаларында узуы.
– 19 май көнне делегатларыбыз “Kazan Expo” үзәгендәге “Russia Halal Expo 2023” күргәзмәсе белән танышачак. 20 май көнне шул ук “Kazan Expo”да Татарстан Рәисе Рөстәм Миңнеханов катнашында пленар утырыш уза. Соңрак делегатлар “Казан” агросәнәгать паркында “Russia Halal Expo 2023” күргәзмәсен дә карый алачак. Күргәзмәдән соң Татарстан Фәннәр академиясендә үтә торган ислам мәгарифенә багышланган аерым фикер алышу мәйданчыгына барачаклар, – дип, форум программасы белән таныштырды ул журналистларны.
Форумга Россиянең 77 төбәгеннән, шул исәптән Татарстаннан барлыгы 1000нән артык татар дин әһеле чакырулы. Иң зур делегация Башкортстаннан. Әлеге форум илнең барлык мөфтиләрен, дини һәм милли оешмалар рәисләрен, аларның әгзаларын бер мәйданга туплый алырдай бердәнбер чара, дип ассызыклап үтте Данис Шакиров.
21 май көнне Форум делегатлары Болгар шәһәрендә узачак “Изге Болгар җыены” тантанасында катнашачаклар. Быелгы җыенның да үзенчәлеге бар – анда Пәйгамбәребез Мөхәммәд салләллаһу галәйһи вә сәлләм ядкәрләре белән бәйле булган күргәзмә оештырыла. Җыенга 40 меңләп милләттәшебез килер дип көтелә.
Кызыклы яңалыкларны күзәтеп бару өчен безнең МАХ каналына кушылыгыз.
#Язмалар
#Җәмгыять
Дилбәр Гарифуллина
Комментарийлар