Сабантуй бәйрәмен үткәрү вакыты билгеләнде

2024 елда Казанда Сабантуй бәйрәмен үткәрү датасы итеп 23 нче июнь билгеләнде. Тиешле указны Татарстан Рәисе Рөстәм Миңнеханов имзалаган.
Документ нигезендә, Татарстан авыл җирлекләрендә һәм район үзәкләрендә, шул исәптән республика әһәмиятендәге шәһәрләрдә, бәйрәм – 8-9 нчы июньдә, Чаллыда 15 нче июньдә планлаштырылган.

Сабантуй – татар халкының төп милли бәйрәме, ул матур гореф-гадәтләрне, җырларны, биюләрне, уеннарны һәм спорт ярышларын берләштерә. Аның исеме төрки сүзләрдән килеп чыккан, «кыр бәйрәме» дигәнне аңлата. Элек Сабантуйны язгы кыр эшләре башлану хөрмәтенә (апрель ахырында) үткәргәннәр, хәзер исә алар тәмамлану хөрмәтенә (июньдә) оештыралар.

Фото: http://za.kzn.ru