Син кайларда йөрисең икән?

Татарстанда шартлы рәвештә хөкем ителгәннәргә махсус беләзекләр кидерә башлаячаклар. Республикада «Сентел» дип аталган яңа исәпкә алу системасы кертелә. Махсус беләзекләр теге яки бу гаепләнүченең гамәлләрен күзәтеп торырга ярдәм итәчәк. Алар кайда йөри, тиешле вакытта өйдә буламы-юкмы, рөхсәт бирелгән чиктән чыгып китмәгәнме - диспетчерга барысы да мәгълүм булачак. Шулай итеп, тиздән хөкем ителүчеләр барысы да «хәзер, шушы сәгатьтә» тикшерүе астына алынып бетәчәкләр.
Гаепләнүчеләрнең электрон көндәлекләре дә ясала. Аларда - тестлар нәтиҗәләре, биография, гомумән, барлык мәгълүмат. Язмаларны берничек тә үзгәртеп булмавы исә ришвәтчелеккә дә урын калдырмый.