Әтиләр көне кирәкме?

- Тәкъдимне хәзер Президент карый, ул аның өстенлеге. Әгәр ул кирәк дип тапса, кабул итәр. Минем уйлавымча, бу - файдалы дата. Мондый игътибар, балалар тәрбияләгәндә, әтинең роле әнинекеннән бер дә ким түгеллеген искә төшерергә ярдәм итәчәк, - дигән Сидякин.

Исегезгә төшерәбез, бу хактагы сүзне Сидякин беренче тапкыр 2014 елда ук кузгаткан иде. Депутат Әтиләр көнен октябрьнең өченче якшәмбесендә билгеләп узарга тәкъдим итә.

---

Наил Латыйпов, Яшел Үзән районының «Әтиләр булдыра» дип исемләнгән әтиләр җәмгыяте рәисе, 12 бала әтисе:
- Бу көн әлбәттә кирәк. Ул әтиләрнең абруен тагын да күтәрәчәк. Ир-атның абруе булган, аны хөрмәт иткән гаиләдә тәрбияләнгән балалар да бәхетле булып үсә. Бик күп баланы үз канатлары астына сыендырган гаиләләр турында еш сөйләнә, күп языла. Ә улларын-кызларын ялгызы гына тәрбияләүче ир-атлар да бар бит. Кайвакыт алар күләгәдә кала. Бу бәйрәм рәсми төстә кабул ителсә, аларга да игътибар артыр, бәлки дәүләт дәрәҗәсендә тагын башка төрле өстәмә ярдәмнәр дә булыр иде.

---

^{Илдар Мөхәммәтҗанов фотосы}