Җылынырга ашыкмый

Җәй айларына кадәр әллә ни озак вакыт калмады үзе. Шулай булса да, алдагы берничә көндә һава температурасы җылынырга бик ашыкмый.
Бүген көндез 13-18 градус җылы булуы көтелә. Иртәгә, ягъни 22 май төнендә күп җирдә 1-6 градус җылы, әмма кайбер урыннарда туфракта -2 градуска кадәр салкын булырга да мөмкин. Көндезге якта һава температурасы +12, +17, явым-төшемнәр көтелми.
Республиканың көньяк районнарында - Нурлат, Аксубай, Чирмешән, Әлкидә урманнарда янгын чыгу куркынычы бик зур дип кисәтә ТР Гидрометеорология һәм әйләнә-тирә мохит мониторингы идарәсе.