#Язмыш 10 декабрь 2022, 15:02

Дустым миңа начарлык тели бугай

10 декабрь 2022, 15:02

Иптәш кызым миннән бик нык көнләшә һәм бу көнләшүе белән тормышыма зыян сала. Аңа теге яки бу яңалыгымны әйтсәм, шундук бер-бер хәл була. Инде хәзер шикләнеп, артык ачылып сөйләшмәскә тырышам.

Скопировать ссылку

Быел яңа тун алдым. Иптәш кызга тунның табигый икәнен әйтмәдем, “арзан бәягә алдым, сыйфаты начар” дип алдадым. Чөнки башка вакытта ул мактаган кием белән берәр нәрсә була иде – йә тишелә, йә югала. Ел башында фатир алырга йөрдек. Иптәш кызым: “Каян аласыз, ничә бүлмәле?” – дип сорашты да, килешү өзелде.

“Кәефең ничек?” дип сораса, “бар да яхшы, рәхмәт”, дип җавап бирәм дә, икенче көнне чирли башлыйм. Ирем турында сорашса, аның белән дә күңелсез хәл була. Мин инде иптәш кызымнан курка башладым. Туры килүме бу, әллә чынлап та көнләшүеннән безгә начарлык телиме? Дөреслекне ничек белергә? Бәлки миңа психологка барыргадыр?

Лариса,
Казан.

Кызыклы яңалыкларны күзәтеп бару өчен безнең МАХ каналына кушылыгыз.